چالاکی

بە بۆنەی ٦٨ەمین ساڵیادی دامەزرانی یەکیەتی لاوانی دێمۆکراتی کوردستانی ئێران، یەکیەتی لاوانی دێمۆکراتی کوردستانی ئێران لە وڵاتی نۆروێژ خولێکی تۆپی پێی لە ژێر ناوی" لاوان، وزەی ئێستا و سەرمایەی داهاتووی کۆمەڵگان" بەرێوە برد

رۆژی شەممە رێکەوتی ١٥ی ٢ی ٢٠١٤ لەلایەن یەکیەتی لاوانی دێمۆکراتی کوردستانی ئێران لە وڵاتی نۆروێژ  بە سەرپه‌رستی ئاوات ئازەری، کەوسەر محمودی، کۆمار یارحوسەینی، تاهیر ئیسماعیل پور و گۆران عادڵ، خولی تۆپی پێ بە بەشداری بیست تیم، کاتژمێر ١٠ی سەر لە بەیانی دەستی پێکرد.

سەرەتای چالاکیەکە، ئاوات ئازەری بەرپرسی یەکیەتی لاوان لە وڵاتی نۆروێژ باسێکی سەبارەت بە چۆنیەتی بەرێوە بردنی خولەکە و هەروەها مەبەست لە پێک هێنانی ئەو خولە پێشکەش کرد و دواتر کاک مێهرداد خوسرەوی بەرپرسی یەکیەتی لاوان لە دەرەوەی وڵات بەخێرهاتنی بەشدار بوانی کرد. 

جێگای ئاماژەیە کە چەندین رێکخراوی نۆروێژی وکوردی وەکوو لاوانی یارسان، لاوانی باکوور، لاوانی باشور و یەکیەتی لاوانی دێمۆکراتی رۆژهەڵاتی کوردستان بە بەشداری چالاکیەکە بوون و پەریسا خنوری وەک ئەندامی بەرێوەبری هاوکاری بەرێوەچوونی خولەکەی کرد.  

ئەو تیمانە پێکهاتبوون لە چەند تیمی بەشدار لە سوئێد و دانمارک، تیمەکانی دیکە لە نورویژ کە ئەویش لە نزیکترین و دوورترین شوێنی نورویژەوە هاتبوون و هاوکات لە پێکهاتەی تیمەکاندا یاریزانانی کورد لە باشوور و رۆژهەڵاتی کوردستان، تورک، بۆسنییەیی و ئافریقایی و ژاپۆنی و نورویژی بەدی دەکران. 

ئەو یارییانە کە لە سێ زەوی یاری لە "شسمۆ هاڵن" واتە "ساڵۆنی ناوچەی شسمۆ" بەڕێوەچوون، زۆر بە گەرمی لە لایەن 

لاوانی بەشداربۆوە پێشوازییان لێدەکرا و ئەوەش لە کاتێکدا بوو کە خەڵکێکی زۆر لەوێ ئامادە بوون و تیمەکانیان هان دەدا. 

ئاکامی ئەو کێبەرکێیانە بەو شێوەیەی خوارە بوو کە دوو تیمی سەرەکی، واتە تیمەکانی "مورتنسرود" و " د.یانگ گانس" گەیشتنە ترۆپکی جەدوەل و لە یاریی فیناڵی ئەوانیشدا تیمی "مورتنسرود" توانی بە سەر تیمی " د.یانگ گانس" دا سەرکەوێ و فیناڵەکە بباتەوە و ببێتە یەکەم. 

بەو شێوەیە تیمی "د.یانگ گانس" بوون بە دووەم و لە کۆتاییدا لە ئەو دیارییانە کە لە لایەن یەکێتی لاوانەوە ئامادەکرابوون، لەلایەن نوێنەرانی کۆمیتەی حیزب لە نۆروێژ و دەرەوەی وڵات وئەندامانی بەرێوەبەری لاوان، بەسەر تیمەکان دا دابەش کرا. 

هەر لەو پێوەندییەدا پێویستە ئاماژە بەوە بدرێ کە لە لایەن تەشکیلاتی دەرەوەی حیزبی دێموکراتی کوردستانی ئێرانەوە، نامەی سووپاس و پێزانین پێشکەشی هەر هەموو یاریزانان کرا. 

ئەو یارییانە کە کاتژمێر ١٠ ی سەرلەبەیانی دەستیان پێکردبوو، کاتژمێر ١٧:٠٠کۆتاییان پێهات

بۆ بینینی گشت وێنەکان کلیک لێرە بکە

   

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn